لرواد الأعمال.. أدوات لإدارة و تنظيم الوقت

أكتر حاجة بتشغل رائد الاعمال خلال يومه انه ازاي يستغل الـ 24 ساعة فى اليوم الاستغلال الأمثل بحيث يخرج منه بأقصى استفادة ممكنة ..

لما يكون عندك بيزنس خاص بيك عنصر “الوقت” هو أهم مورد عليك انك تستفيد منه فى تحقيق أهدافك .. فى وسط المكالمات و الإيميلات و المقابلات الشخصية اللى مابتنتهيش التحكم فى الوقت و فى نظام يومك يكاد يكون مستحيل .

علشان كده بنقدملكم أكتر 5 تطبيقات مفيدة لـ رواد الاعمال فى انجاز الوقت

1- تطبيق SaneBox :

احسب الوقت اللى بيضيع فى تنظيم الإنبوكس و فلترة الإيميلات المهمة و تخيل الحاجات اللى ممكن تعملها فى الوقت ده .. SaneBox بيوفر عليك الوقت و المجهود و بيفلتر الإيميلات الغير مهمة زي تنبيهات الفيسبوك أو الأخبار و بينقلها لـ Folder اسمه SaneLater و بيتعلم مع الوقت الإيميلات اللى مش بتفتحها و بيعتبر إنها غير مهمة و بينقلها للـ Folder ده

 

2- تطبيق Thrive Day Planner :

تطبيق مفيد جدا لإدارة الوقت و من اسمه هو منظم يومى بتخطط فيه المهام اللى هتنجزها فى اليوم و تضيف الـ notes و quotes اللى أثرت فيك على مدار اليوم و هو تطبيق مدفوع تقدر تستخدمه من أي جهاز سواء موبايل أو لاب توب .

 

3- تطبيق Trello :

لإدارة المشاريع بشكل متكامل .. بيساعد صاحب المشروع فى رسم و توضيح معالم المشروع و إدارة المهام و توزيعها على فرق العمل و متابعة سير العمل بشكل سليم .

 

4- تطبيق FreshBooks :

برنامج محاسبى بسيط لرواد الأعمال .. بيسعى البرنامج انه يوفر تقريبا 48 ساعة من الوقت المستخدم فى الحسابات شهريا .. تقدر عن طريقه انشاء الفواتير و متابعة التوقيتات و تسجيل إيصالات و فواتير العملاء .. متابعة الحسابات مهم جدا لإدارة أي مشروع و بمساعدة التطبيق ده الموضوع بيكون أسهل و منظم أكتر .

 

5- تطبيق RescueTime :

بيساعدك تعمل Block لمواقع معينة لفترة من الوقت زى مواقع السوشيال ميديا أو غيرها و بيعمل tracking بشكل كامل لكل الوقت اللى قضيته على مدار اليوم و فى النهاية بيوضحلك انت قضيت يومك فى إيه و الوقت الضايع كان قد إيه .

 

author photo two

لبنى واحدة من فريق ادارة الشبكات الإجتماعية ويميزها ايجابيتها وحبها لعملها كما ان لديها قدرة جيدة على التواصل مع الاخرين بما تملكه من مهارات تواصل اجتماعية جيدة لبنى لديها مهارات فى كتابة المحتوى و ادارة الصفحات على الشبكات الإجتماعية وإدارة الحملات الإعلانية

  • احب اضيف موقع asana.com وده متخصص قي تنظيم ال tasks بين فريق العمل لاي مشروع مشترك

    وياريت تكبرو خط “اضافة تعليق” شوية علي شان عيني وجعتني 🙂

  • >