انواع اللوجوهات بالصور

اللوجوهات بشكل عام ليها أكتر من نوع .. و كل نوع ليه إستخدامه و سلبيياته و إيجابيياته، تعالوا نعرف إيه اﻷنواع المختلفة للوجو في المقال مع مثال لكل نوع عشان الصورة توضح أكتر

1-iconic/symbolic


لوجوهات أيقونية و دي بتتميز بإنها مميزة (أيوة بتتميز و مميزة ورا بعض على طول عادي) بس مش معقدة في التصميم.

ماشي ورا (خير الكلام ما قل و دل)

بيعتمد على الخيال شوية لمعرفة ماهية الشركة أو الجهة صاحبة اللوجو من غير وجود أي كلام مكتوب يعبّر.

يشترط فيها توافر كذا حاجة عشان تؤدي غرضها:

أ- التمييز .. يعني أول ما يتشاف يتعرف أيوة دا بتاع كذا
ب- التمييز .. بيفضل في دماغك مش بتنساه بمجرد ما شوفته و لو حتى مرة واحدة
ج-الوضوح .. بما إن فهم اللوجو يعتمد على شئ مرسوم مش كلام ف لازم يبقى واضح سواء كان كبير ولا صغير, من قريب أو من بعيد.
د- معبّر .. معتمد إعتماد كلي على الوصف التجريدي لمجال الجهة أو الشركة بصورة مبسطة. إنت لازم تشرحله دا إيه بس من غير ما تطلع من نطاق تصميم اللوجوهات و تخش في جرافيك ديزاين لشكل.

2-logotype/work mark

wordmark


بيقى اللوجو عبارة عن إسم الشركة مثلا و مكتوبة بس بأسلوب جميل. غالبا بيبقى الخط مرسوم مش فونت عادي مثلا و إلا مش هايبقى مميّز و ممكن يتكرر كتير.
(ما هو أكيد مش شغلتك تنزل فونت تكتب بيه و كدا بقيت ديزاينر)

النوع دا غالبا بيبقى للشركات الكبيرة .. أو ممكن ناوية تبقى كبيرة عادي برضه. شركة كل إحتياجها إن الإسم يتعرف و شغلهم بيعرّف نفسه بنفسه مش محتاج تسويق أو شرح أو حتى أيقونة.
(ساعات نايكي مثلا  بتستخدم الكلمة من غير الأيقونة عشان خلاص بقت حاجة معروفة و غنى عن التعريف)

طبعا رسم الكلام ممكن يبقى متشابك بشكل ما بس لازم يبقى واضح و مقروء برضه سواء كان كبير ولا صغير.

3-combined marks

combination


دا بيبقى الإتنين مع بعض .. و بيكمّلوا بعض دي بتوضّح دي و العكس. في لوجوهات بيبقوا الإتنين ملازمين لبعض ماينفعش ينفصلوا و في ساعات بينفصل عادي بس نادرا ما بتحصل.

author photo two

محمد منّاع مدير فريق التصميم فى الشركة . لديه خفة روح تجعله قادرا على الإبداع والوصول إلى أفكار غير عادية ينقل من خلالها رسالة تسويقية محددة . حرصه على تطوير نفسه فى مجاله واكتساب سمعة جيدة فى السوق نابع من شغفه واهتمامه كل ماهو جديد فى التصميم الجرافيكى . لم يكن التصميم مجال دراسته إلا أنه استطاع اكتساب خبرة من خلال التعلم الذاتى وممارسة هوايته فى الرسم حتى أنه يفرغ شحنته السلبية فى تصميم ما يخطر بباله.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *