طرق لتحسين بروفايلك على لينكد إن

كنا وعدناكم قبل كده ببوست مفصل عن لينكد إن و ازاي أستفيد منه بأكبر قدر و أعرض مهاراتى و سيرتى الذاتية بشكل يهيأنى للحصول على وظيفة .فى البداية هنحتاج نعرف بعض الأرقام عن لينكد إن اللى أصبح شبكة التواصل الإجتماعى المهنى رقم 1 فى العالم بـ حوالى 380 مليون مستخدم 40% منهم بيستخدموه بشكل يومي و 94% من شركات التوظيف بتراجعه بشكل مستمر لتعيين موظفينها المحتملين و 50% من العملاء بيثقوا فى الشراء من الشركات اللى بيتفاعلوا معاها على لينكد إن و 53% من الشركات بيجدوا عملائهم و زبائنهم عن طريق لينكد إن .

عشان تستفيد أقصى استفادة من أكونت لينكد إن لازم تكون مكمل بروفايلك بشكل كامل و مزود أكبر قد من الأقسام بمعلومات عنك ومستخدم الكلمات المفتاحية الخاصة بمجالك اللى هتساعدك فى إن الناس توصل ليك عن طريق البحث .. و عشان تكمل بروفايلك لازم فى البداية نعرف ايه هي الأقسام الممكن إضافتها على أى بروفايل شخصي على لينكد إن


1- skills قسم بتوضح فيه المهارات اللى بتمتلكها لأن المهارات فى لينكد إن بتعتبر كلمات مفتاحية هتساعدك فى تهيئة بروفايلك فى حالة البحث عن المهارة دى .. و خلى زمايلك فى الشغل أو فى الدراسة يعملولك endorsement  (إقرار أو موافقة) على المهارات اللى هما شايفينك بتمتلكها فعلا (بعيدا عن المجاملات طبعا)

 

2- قسم projects لعرض أي مشروع اشتركت فيه سواء أثناء الدراسة او بعدها .. اذكر مشاريعك و بيّن دورك فيه و بين كمان زمايلك اللى شاركوا معاك فى المشروع (مشروع تخرجك مثلا)

 

3- قسم Certifications لعرض الشهادات اللى حصلت عليها سواء كان تدريب أو كورس أونلاين أو دورة اجتازتها .. عرضك للشهادات دى أكيد بيعزز من فرصك فى الحصول على وظيفة مناسبة.

 

4-  قسم ال courses ..ده بتعرض فيه الكورسات اللى ذاكرتها أو الدورات اللى اتعلمتها أونلاين بس ماحصلتش على شهادة من خلالها.

 

5- قسم organizations .. لو كنت عضو فى منظمة كبيرة فى مجالك ممكن تذكرها و تذكر دورك فيها هيسهل البحث عنك من خلال الكلمات الفتاحية الخاصة بالمنظمة دى

 

6- قسم languages .. قسم اللغات بتذكر فيه اللغات اللى بتجيدها و درجة إجادتك ليها

 

7- قسم ال groups .. لعرض كل الجروبات اللى منضم ليها على لينكد إن .. تقدر تشوف الجروبات من هنا http://bit.ly/1MqnEdI  و تنضم و تشارك فى الجروبات المناسبة لاهتماماتك و مجالك

 

8- قسم Following .. ده القسم اللى بتعلن فيه عن اهتماماتك .. لو متابع صفحة اخبارية أو شركة ليها حساب على لينكد ان اذكرهم فى قسم ال following و هتفيدك بردو فى البحث عن طريق الكلمات المفتاحية الخاصة بالشركات و الكيانات دي

 

9 – قسم volunteer and causes لذكر أي نشاطات خيرية أو كيانات غير هادفة للربح شاركت فيها و دي طبعا ميزة بتضيف لأي حد

 

بعد ما تملا الأقسام اللى تناسبك بشكل كامل .. فيه عدة خطوات هتحسن من ظهورك فى البحث زى مثلا :
-الـ url لحسابك على لينكد إن يفضل لو كان بسيط و سهل الحفظ

-استخدم كلمات مفتاحية واضحة فى الـ Job Title و واصفة ليك و لشغلك و انت بتعمل ايه و تكون reachable عن طريق البحث

-وسع علاقاتك .. البحث على لينكد إن بيعتمد بشكل أساسى على شبكة الأصدقاء و زملاء الدراسة و كل ماتوسع دايرتك كل ما الناس توصلك أسرع

– ادخل فى groups خاصة بمجالك و شارك فيها

– صورتك الشخصية تكون صورة واضحة ليك و تكون متوافقة مع القواعد دى :
http://on.fb.me/1LnhHCl

-حسن من الـ job description .. اكتب فيها تلخيص عن اللى بتعمله يفضل تكون فى نقاط محددة و مختصرة

-ابتدى اكتب و شارك أفكارك و آراءك و انشرها مع ال connections بتوعك و يفضل لو محتوى خاص بيك .

author photo two

لبنى واحدة من فريق ادارة الشبكات الإجتماعية ويميزها ايجابيتها وحبها لعملها كما ان لديها قدرة جيدة على التواصل مع الاخرين بما تملكه من مهارات تواصل اجتماعية جيدة لبنى لديها مهارات فى كتابة المحتوى و ادارة الصفحات على الشبكات الإجتماعية وإدارة الحملات الإعلانية

يوجد 5 تعليقات على “طرق لتحسين بروفايلك على لينكد إن”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

القائمة البريدية