طرق بناء الباك لينكس لرفع ترتيبك فى محركات البحث

طرق و استراتيجيات بناء الروابط سواء روابط داخلية ( internal links ) أو backlinks تغيرت تغيير جذرى فى الفترة الأخيرة بسبب التغير الدائم فى سياسات جوجل خصوصا آخر تحديث للـ Penguin فى فهرسة و ترتيب المواقع فى محرك البحث و فلترة الروابط الداخلية و الباك لينكس و بالتالى ممكن فى لحظة موقع إنت بنيت فيه رابط داخلى لموقعك يقع و ترتيبه يقل و بالتالى ترتيبك يقل فيُفضل إن تمسح أى روابط ليك فى المواقع السبام أو الضعيفة فى ترتيب جوجل .

كمان فى الفترة الأخيرة بدأت ممارسات ال seo تتداخل بشكل أكبر مع تسويق المحتوى و خصوصا الـ inbound marketing و ده شيئ مفيد على مستوى جميع الأطراف , مفيد لجوجل لأن الـ spam هيقل و مفيد للمستخدمين اللى هيكتسبوا قيمة من المحتوى ده مش مجرد كلمات مفتاحية جمب بعض مالهاش معنى و مفيد للـ marketers لأن التسويق الإلكترونى للمحتوى الجيد و اللى بيقدم قيمة أسهل و بيتـ viral لوحده أسرع و بأقل تكلفة.

و لكن هل الاعتماد على بناء الروابط انتهى بشكل كامل ؟

الإجابة لأ طبعا .. فيه بعض الطرق اللى ممكن تبنى بيها باك لينكات و ماتضرش الـ seo بتاعك زى :

1- انشاء مصدر (resource) خاص بيك و تبدأ  فى نشره و التسويق ليه  .. نظرا للاحصائيات اللى بتقول ان نسبة العملاء الموجودين أونلاين فى زيادة مستمرة و ان 93% من الـ B2B marketers بيستخدموا تسويق المحتوى , أصبح انشاء الـ ebooks و ال case study  و غيرها من ال resources طبيعى و عن طريقه يمكن بناء الروابط سواء داخل الـ ebook نفسه أو الباك لينكات الخارجية فى المواقع اللى هتنشر الـ ebook بتاعك و ده مفيد جدا فى الـ seo لأن جوجل بيقرأ النص اللى داخل الـ pdf و الكلمات المفتاحية و اللينكات اللى جواه و بيرتب على أساسه.

و هنا فى بعض النقط المهمة :
-تعرض أمثلة أو مقولات أو screenshots للآخرين فى نفس مجالك داخل الـ resource و ده هيسهل إنهم ينشروه و يتكلموا عنه .

-الاهتمام بشدة بلحظة إطلاق الـ resource أونلاين و الإعلان عنها و الصرف على الإعلانات كويس جدا قبل و بعد نشرها.

 

2- عمل guest blogging (تدوينات الزوار) و لكن بغير الشكل المعتاد ليها اللى كان عبارة عن تكرار وضع نفس التدوينات على مواقع مختلفة و لكن عن طريق الإهتمام بالمحتوى الفريد و الغير متكرر للتدوينة و أنها تكون مناسبة للموقع الموضوعه فيه فمثلا لو التدوينة بتتكلم عن تصميم الويب يفضل أنشرها فى المواقع المختصة بتصميم و تطوير الويب .. و مع وضع خطة عبارة عن عدد المواضيع اللى هيتم نشرها و المواقع اللى هيتم النشر فيها مع مرور الوقت هيتم الاستفادة من الـ guest blogging فى الـ SEO بأكبر شكل ممكن .

 

3- من الطرق الناجحة فى بناء الروابط “المدح” إمدح فى الآخرين سواء فى نفس مجالك أو فى مجال آخر .. استخدم مقتطفات من كلامهم و خليهم يعرفوا إنك إتكلمت عنهم و عندها مش هيكون عندهم خيار تانى غير إنهم ينشروا محتواك أو على الأقل هيكونوا شاكرين ليك إنك اتكلمت عنهم و هتكون خيارهم الأول لو حبوا يبنوا روابط بعد كده 🙂

 

author photo two

لبنى واحدة من فريق ادارة الشبكات الإجتماعية ويميزها ايجابيتها وحبها لعملها كما ان لديها قدرة جيدة على التواصل مع الاخرين بما تملكه من مهارات تواصل اجتماعية جيدة لبنى لديها مهارات فى كتابة المحتوى و ادارة الصفحات على الشبكات الإجتماعية وإدارة الحملات الإعلانية

  • ممكن اعرف ازاي اعمل باك لينك من ebook وانا مع حضرتك في الطرق دي لكن للاسف مش هتنفع مع المحتوي العربي

    • بكل بساطة الاصل في موضوع بناء الروابط انه يكون Natural يعنى الناس هيا الي تنقل ليك الروابط مش انت الي تعملها طيب ازاى بطريقة ال ebook بكل بساطة محركات البحث بتقرأ المحتوي الموجود داخل الكتب بامتداد PDF و DOC يعنى وفر رابط لموقعك داخل الكتاب بس المهم الكتاب يكون مفيد فعلا وابدأ ان انشرة على انه مجاني للجميع هتلاقي كتير من المواقع بالذات الي مهتمه بتوفير الكتب لقرأها بتحطة عندها واما هتذكر المصدر او لا في الحالتين انت هتاخد backlink لموقعك اما من ذكر المصدر واما من داخل الكتاب الى هما رفعوة عندهم على الموقع.

  • كلام حضرتك صحيح و احنا حاولنا فى المقال نحل مشاكل بناء الروابط قدر الإمكان .. شكرا لحضرتك 🙂

  • شكرا أستاذه لبني علي المعلومات الجميلة ,للأسف الشديد كل يوم خوازميات محركات البحث بتتغير فده بيصعب المهمه علينا كمديرين مواقع وممكن موقع بيحتل النتائج الأولي في محركات البحث ما يظهرش أصلا ويجب علي الويب ماسترز مواكبه هذه التغيرات والتطورات الموضوع معدش باك لينكس وخلاص ,شكرا ليكي

  • >