تهيئة المتاجر الالكترونية لمحركات البحث

عملية تهيئة المواقع لمحركات البحث بتزيد تعقيد لما نتكلم عن مواقع الـ e-commerce فبالإضافة للخطوات المعروفة فى الـ seo زي تقديم محتوى جيد و غير متكرر و بناء روابط داخلية و خلفية مفيدة (تفاصيل أكتر عن جزئية بناء الروابط من هنا : https://www.mnbaa.com/blog/digital-marketing/2924 ) فيه خطوات و استراتيجيات خاصة بمواقع الـ e-commerce بالتحديد . 

مشكلة مواقع الـ e-commerce فى إن المحتوى فى الغالب بيكون ضعيف عبارة عن وصف المنتج و حتى الوصف ده ممكن يتكرر فى أكتر من صفحة و بالتالى يُعتبر duplicate content و فى دراسة تمت على أكبر مواقع الـ e-commerce العالمية وُجد إن 38% بس من المواقع بتسخدم SEO tags و ملف robots.txt بشكل سليم و غير متعارض مما أدى للتحسين ترتيبهم و ظهورهم فى المراتب الأولى عن غيرهم أما الباقى فبيستخدموا Tags بتتعارض مع بعضها و بالتالى بتلاشى بعضها .

تفصيلا أكتر .. أنواع الـ navigation (القوائم) فى المواقع اللى تمت عليها الدراسة متقسمة لـ 3 أنواع :

  1. Sort orders: بمعنى تقسيم المنتجات من الأعلى للأقل سعر أو العكس.
  2. Filtered navigation : فلترة المنتجات بشكل معين .. بمعنى عرض المنتجات اللى أقل من 100 دولار فقط مثلا .. أو عرض المنتجات الخاصة ببراند معينة.
  3. Pagination : تقسيم المنتجات على عدد الصفحات بمعنى لو بعرض 100 منتج هعرضهم كل 10 منتجات فى صفحة و بالتالى هستخدم 10 صفحات لعرض المنتجات كلها زى الصورة :mnbaa_ecommerceVSseo1


و لاستخدام الـ Tags بطريقة سلمية علينا اننا نتبع الطريقة اللى فى الصورة الجاية و استخدام rel canonical مع نوع الـ sort orders و الـ filters
بمعنى إنى بعرف جوجل إن الصفحات دي هيكون فيها duplicate content و بالتالى مش هيحاسبنى عليها .
أما الـ pagination يستخدم معاها rel=prev/next (الصفحة التالية و الصفحة السابقة) و هنا أنا بعرف جوجل إن فيه علاقة بين الصفحات دي و بعضها و بالتالى المحتوى قد يتشابه 

mnbaa_ecommerceVSseo2


أمثلة للـ Tags اللى استخدامها مع بعض بيسبب تعارض  :

mnbaa_ecommerceVSseo3

فباستخدام تاج Nofollow و Noindex أنا بقول لجوجل تجاهل الصفحات دى و ماتأرشفهاش و ده بيتعارض مع Tag الـ Canonical أو بيلاشيه بمعنى أصح.
ملحوظة : ملف robots.txt بيحتوى على أوامر Noindex و Nofollow و بالتالى هو كمان بيتعارض مع الـ Canonical

أما الـ Canonical مع الـ Home page مش هيفيد لأن أساس استخدام rel Canonical مع الصفحات اللى فيها duplicate content مش مع الصفحة الرئيسية .

*نصائح إضافية لمواقع الـ e-commerce :

-استخدم وصف فريد و غير متكرر للمنتجات بقدر الإمكان.

-صمم موقعك بحيث يكون فيه مكان لكتابة reviews عن منتجاتك و كل ما كانت إيجابية كل ما كان أفضل .

-قلل مقاسات الصور قدر الإمكان لتسريع فترة تحميل الصفحات.

-انشأ روابط داخلية (Internal links) بين الصفحات قدر الإمكان.

-هيأ الموقع للاستخدام من الموبايل.

-صمم الـ navigation بشكل سهل و واضح و غير مرهق للزائر.

-خلى أوبشن مشاركة المنتجات على السوشيال ميديا متاح بداخل موقعك.

 

فى النهاية العامل الأول و الأساسي لرفع ترتيب أي موقع و اللى على كل أصحاب مواقع الـ e-commerce اتباعه هو استمرار الزوار فيه لفترات طويلة و إعجابهم بالمنتجات و اللى هتخليهم زوار و عملاء محتملين دايما للموقع .

 

 

author photo two

لبنى واحدة من فريق ادارة الشبكات الإجتماعية ويميزها ايجابيتها وحبها لعملها كما ان لديها قدرة جيدة على التواصل مع الاخرين بما تملكه من مهارات تواصل اجتماعية جيدة لبنى لديها مهارات فى كتابة المحتوى و ادارة الصفحات على الشبكات الإجتماعية وإدارة الحملات الإعلانية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *