لأصحاب المواقع والمبتدئين فى مجال تهيئة المواقع لمحركات البحث ; دي بعض النصايح اللى يقدر أى حد عنده خلفية بسيطة إنه يقوم بيها لتهيئة الـ SEO لموقعه



1- لو موقعك بيعتمد بشكل أساسى على الصور و الـ drop down menus .. عليك إنك تزود بعض الروابط النصية داخل صفحات الموقع عشان تساعد عناكب البحث إنها تتجول داخل موقعك.

2- اهتم بنشر محتوى فريد و مُميز و غير مكرر على الموقع “المحتوى هو الملك”

3- اهتم ببناء شبكة من الروابط الخارجية لموقعك quality backlinks و افتكر دايما ان لو مفيش سبب مفيد و منطقى لأى موقع إنه يُشير لموقعك بـ backlink فانت مش محتاج اللينك ده .

 

4- الـ PageRank جزء صغير من خوارزميات الترتيب فى جوجل فمتهتمش بيه زيادة عن اللزوم .. ممكن جدا موقع يكون ليه PR قليل و يتفوق فى الترتيب على موقع أعلى منه بسبب الاهتمام بباقى العوامل .

 

5- اتأكد من اختيار Title tag فريد و شامل للـ Keyword المستهدفة لكل صفحة من صفحات الموقع مع وضع اسم الـ Brand فى نهاية الـ title .

 

6- الاستمرار و التجديد الدايم فى كتابة المحتوى من أهم عوامل ثقة عناكب البحث فى الموقع.

 

7- لو صفحات الموقع بتحتوى على روابط .. يُفضل وجود الـ Keywords كنص على الروابط بدل من “اضغط هنا”

 

8- اهتم بالكلمات المفتاحية الطويلة و اللى بتشمل موقع شركتك عشان تحقق ترتيب فى البحث المحلى مثال “شركات تصميم مواقع فى المنصورة”

 

9-تهيئة الموقع لمحركات البحث يُفضل يبدأ من بداية تصميم و برمجة الموقع مش بعد كده .

 

10 – افحص الموقع بشكل دائم من المحتوى المتكرر “Duplicate Content” و حول الصفحات المكررة لـ “Redirect 301”

 

11- اتأكد من عدم وجود index.html أو default.php فى نهاية صفحة الهوم لموقعك .

 

12- امتداد الروابط على موقعك مش بيفرق كتير كـ SEO .. تقدر تستخدم .html, .htm, .asp, .php, أو أى امتدادات آخرى .

 

13- لو موقعك معمول له Publish جديد و محتاج تأرشفه بسرعة .. وجود رابط له فى موقع موثوق فيه هيأدى الغرض ده .

 

14 -لو المحتوى على الموقع قليل “موقع بيزنس مثلا” اربطه بمدونة لتجديد المحتوى بشكل دايم و انشر عليها من مقالين لتلاتة اسبوعيا.

 

15- المهم فى بناء الروابط الكَيْف مش الكَم .. عدد قليل من الروابط الموثوقة أفضل من أعداد كبيرة ممكن تضرك و توقعك فى النهاية.

 

16- وجود الـ Keywords فى المحتوى مش لازم يكون على شكل حشو بدون فايدة .. على العكس من عوامل الثقة عدم استخدام الـ Keywords بشكل مبالغ فيه و غير مفيد للقاريء لأنها هتتحسب عليك مش ليك و عشان كده ظهر مصطلح الـ Keyword Density لحساب نسبة تكرار الـ Keyword فى المحتوى .   

 

17- يُفضل بعد كل رابط وضع وصف بسيط له و يكون شامل للـ Keyword

 

18 – لو بتستخدم shared server افحص دايما المواقع اللى معاك على نفس السيرفر و اتأكد من عدم وجود مواقع معمول لها ban من جوجل و اللى ممكن تأثر على ترتيبك .

 

19 – استخدام الطرق اللى بتخفى معلومات صاحب الدومين شيء ممكن يعامل على إنه  spam من عناكب البحث .

 

20 – عند كتابة مقال على المدونة اتأكد من تهيئة الـ title tag للمقال بعيدا عن عنوان الصفحة نفسها.

 

21- سهولة الموقع للمستخدمين من عوامل رفع الـ Organic Ranking بشكل كبير لانه بيسهل على المستخدمين التعامل معاه و على العناكب التجول فيه .

 

22- انشر روابط للآخرين فى نفس مجالك فى مدونتك لتشجيعهم على نشر روابط ليك فى مواقعهم .

 

23- الروابط المدفوعة غير مفيدة للـ SEO ..ممكن تفيدك فى زيادة بعض الزيارات فقط و لكنها هتضر بالـ SEO

 

24 – مهم جدا التركيز فى كل صفحة على Keyword واحدة و عدم التشتيت بين أكتر من Keyword .

 

25- فى الـ SEO يُفضل ان الـ call to action تكون واضحة و مباشرة أحيانا .

 

26- الـ SEO  عالم متغير مش ثابت و فى تحديثات جديدة بتحصل فى خوارزميات جوجل كل فترة لذلك توقع انك دايما هتقوم بتهيئة موقعك لملائمة التغييرات دي

 

27 – استخدم الـ keyword  كـ Alt-tag أو وصف نصى للصور .

 

28 – لو موقعك بيشمل على صور كتير .. اهتم ان بجانب كل صورة يكون فى وصف ليها و يكون شامل للـ Keyword  

 

29 – حاول تكون على دراية أكتر بالتسويق الاجتماعى “social marketing” .. كل ما تفهم أكتر عن المواقع زى Facebook و Digg كل ما هتتفوق فى البحث.

 

30- اهتم بإتاحة أكتر من اختيار للزوار على الموقع زي امكانية إضافة التعليقات و المراجعات و إمكانية الشير لمواقع التواصل و غيرها ..