اداوت مهمة تساعد رواد الاعمال 2

اداوت مهمة تساعد رواد الاعمال

فيه مقولة معروفة لـ steve jobs بيقول فيها
Technology is nothing. What’s important is that you have a faith in people, that they’re basically good and smart, and if you give them tools, they’ll do wonderful things with them.

و تطبيقا للمقولة دي بنقدملكم مجموعة من الـ tools اللى ممكن يستخدمها رواد الأعمال لتنظيم و تسهيل شغلهم و متابعة سير العمل .. هنقسم الأدوات على حسب إستخدامها فمثلا الأدوات المستخدمة فى:

تنظيم العمل و الانتاج

-آداة Evernote لتجميع كل الـ notes و الـ bookmarks و اللينكات فى مكان واحد و تقدر تتصفحهم من الموبايل فى أى وقت

-آداة 1Password لعمل كلمات سر قوية و غير مكررة للمواقع اللى بتحتاج register .. كمان بيحفظ كل كلمات السر الخاصة بيك فى مكان واحد و بالتالى مش محتاج تحفظ غير كلمة سر البرنامج فقط .

-موقع Dropbox لرفع ملفاتك أونلاين و مشاركتها بأمان

-لأن إدارة الوقت أهم حاجة بالنسبة لرائد الأعمال موقع Toggl هو آداة Timer لتتبع الوقت.

متابعة العملاء

-استخدم آدوات زى  Zendesk و Freshdesk و هى برامج لمتابعة كل مايخص بالعملاء و إيملاتهم و رسائلهم و بتتيح للعملاء بعض الخدمات اللى يقدروا يساعدوا بيها نفسهم قبل ما يبجأوا للـ customer service

أدوات الـ outsourcing

أحيانا بتحتاج شخص يقدملك خدمة لمرة واحدة زى تصميم معين أو كتابة محتوى مقابل مبلغ مالى لأن معندكش الوقت أو المهارة إنك تعملها بنفسك .. هتلاقى على مواقع زي خمسات  و Fiverr ناس بتقدم الخدمات المُصغرة مقابل مبالغ قليلة.

-المحتوى الإعلانى (copyright)

لو بتكتب محتوى english استخدم مواقع زى Grammarly و Hemingway Editor لمراجعة و تصحيح التوبيك من ناحية الـ grammar و الأخطاء اللغوية.

-السوشيال ميديا

ممكن تستخدم مواقع زي Buffer أو Hootsuite لعمل schedule لبوستاتك على السوشيال ميديا و متابعتها و تحليل نتايجها .

و بالنسبة لتويتر استخدم موقع Topsy لمتابعة أبرز الهاشتاجات و إحصائيات التفاعل عليها و غيرها من أدوات السوشيال اللى هتساعدك تدير حساباتك و تتابعها بشكل كامل .. ممكن تعرف أدوات اكتر للسوشيال ميديا من هنا :

https://www.mnbaa.com/blog/digital-marketing/2745

التصميم

بالإضافة الفوتوشوب فى مواقع بتساعد فى عمل تصميمات بسيطة زي Sketch و InVision و Canva

و فى كمان tool اسمها Crayon بتساعدك فى أفكار تصميمات خاصة بالسوشيال ميديا و الماركيتنج.

التواصل بين فرق العمل

آداة Trello المجانية لمتابعة و جدولة الـ tasks بين فرق العمل.

و آداة Flowdock للشات المُجمع بين فرق العمل.

و لفرق البرمجة بالتحديد آداة GitHub لبناء السوفت وير و إدارة الكود كفريق عمل.

متابعة و تحليل إحصائيات موقعك  

مهم جدا متابعة أداء موقعك و عدد الزيارات و معرفة الزوار بيستغرقوا وقت قد إيه داخل موقعك و مكانهم و بيستخدموا موقعك من موبايل ولا جهاز PC و غيرها من الإحصائيات اللى هتساعدك تعدل من الأخطاء و تحسن من النتائج.

طبعا الأداة الأساسية هنا هي Google Analytics

و موقع CrazyEgg بيحلل إحصائيات زى الـ heat map و الـ scroll map و غيرها لموقعك.

و أداة Piwik المفتوحة المصدر بتدى إحصائيات و تحليلات أكتر عن موقعك.

أدوات تساعد فى عمل القوائم و الـ email marketing

آداة Mailchimp  لإرسال الإيميلات بصيغة جيدة.

و Constant Contact  .. سوفت وير للـ email marketing.

و Really Good Emails بيعرض أفضل و أحدث الإيميلات المستخدمة فى الماركيتنج.

دى بعض الـ tools للتسهيل و اختصار الوقت على رواد الأعمال و أكيد فى tools تانية كتير ممكن تضيفوها فى التعليقات عشان نستفيد كلنا منها :)

لا توجد أفكار عن “اداوت مهمة تساعد رواد الاعمال”

  1. احب اضيف موقع asana.com وده متخصص قي تنظيم ال tasks بين فريق العمل لاي مشروع مشترك

    وياريت تكبرو خط “اضافة تعليق” شوية علي شان عيني وجعتني :)

التعليقات مغلقة.